Bæjarráð Sveitarfélagsins Voga

Gísli Sigurðarson formaður knattspyrnudeildar UMFÞ og Gunnar Helgason mættu til fundarins til viðræðna um málefni knattspyrnuvalla sveitarfélagsins, umhirðu þeirra og viðhald á komandi sumri.

Guðmundur Stefán Gunnarsson íþrótta- og tómstundafulltrúi og Davíð Viðarsson sviðsstjóri umhverfis- og skipulagssviðs sátu fundinn undir þessum dagskrárlið.

Lagt fram til kynningar sameiginlegt bréf innviðaráðherra og formanns Sambands íslenskra sveitarfélaga vegna tillagna verkefnisstjórnar um bættar starfsaðstæður kjörinna fulltrúa. Verkefnisstjórnin skilaði af sér yfirgripsmiklum tillögum til að bæta starfsaðstæður og starfskjör kjörinna fulltrúa í sveitarstjórnum þann 24. nóvember síðastliðinn. Vinna stendur yfir á vegum ráðuneytisins og Sambands íslenskra sveitarfélaga við að fylgja tillögunum eftir. Skýrsla verkefnisstjórnar fylgir með.

Umfjöllun og afgreiðsla bæjarráðs á ársreikningi sveitarfélagsins fyrir árið 2022.

Farið yfir núgildandi siðareglur kjörinna fulltrúa, endurskoðun þeirra og staðfestingu skv. 29. grein sveitarstjórnarlaga nr. 138/2011.

Í ljósi þess að komist hefur á bindandi kaupsamningur um 18,32% eignarhlut í jörðinni
Heiðarland-Vogajarðir og þar sem hún er í óskiptri sameign njóta sameigendur seljenda
forkaupsréttar að hinum selda eignarhlut samkvæmt ákvæðum 7. gr. d jarðalaga nr. 81/2004. Fasteignamiðstöðin fyrir hönd umbjóðenda sinna fer fram á að Sveitarfélagið Vogar upplýsi um hvort það hyggist neyta forkaupsréttar.

80. mál Velferðarnefnd Alþingis sendir til umsagnar frumvarp til laga um breytingu á lögum um fjöleignarhús, nr. 26/1994 (gæludýrahald),

Lögð fram til kynningar Fundargerð 787. fundar S.S.S. sem haldinn var 08.03.20236

Lögð fram til kynningar fundargerð 544. fundar stjórnar Kölku sem haldinn var 14.02.2023.

Lögð fram til kynningar fundargerð 46. fundur stjórnar Þekkingarseturs Suðurnesja sem haldinn var 16.03.2023

Lögð fram til kynningar fundargerð 920. fundar stjórnar Sambands íslenskra sveitarfélaga sem haldinn var 17.03.2023

Lögð fram til kynningar fundargerð Vetrarfundar S.S.S. sem haldinn var 17.03.2023

Lögð fram til kynningar fundargerð 70.fundar Reykjanes jarðvangs sem haldinn var 24.03.2023