Bæjarráð Sveitarfélagsins Voga

Velferðarnefnd Alþingis sendir til umsagnar frumvarp til laga um byggingarsjóð Landspítala (heildarlög), 4. mál

Lögð fram fundargerð 463. fundar stjórnar Kölku, Sorpeyðingarstöðvar Suðurnesja

Lögð fram fundargerð 15. fundar stjórnar Þekkingarseturs Suðurnesja

Lögð fram fundargerð 105. fundar Fjölskyldu- og velferðarnefndar.

Lögð fram fundargerð aðalfundar Reykjanes jarðvangs 2015, ásamt skýrslu stjórnar.

Lögð fram fundargerð 1. fundar stjórnar byggðasamlags um BS
Lögð fram fundargerð 2. fundar stjórnar byggðasamlags um BS
Lögð fram fundargerð 3. fundar stjórnar byggðasamlags um BS
Lögð fram fjárhagsáætlun BS fyrir 2016.

Lögð fram fundargerð 99. fundar Þjónustuhóps aldraðra

Lögð fram fundargerð aðalfundar sveitarfélaga á köldum svæðum

Lögð fram fundargerð 694. fundar stjórnar Sambands sveitarfélaga á Suðurnesjum

Lögð fram fundargerð 251. fundar stjórnar Heilbrigðiseftirlits Suðurnesja

Lögð fram fundargerð 377. fundar stjórnar Hafnasambands Íslands

Lögð fram fundargerð stjórnar DS frá 23.september 2015
Lögð fram fundargerð stjórnar DS frá 5. október 2015.

Innanríkisráðuneytið vekur athygli sveitarstjórnarinnar á skýrslu um jafnt búsetuform barna sem búa á tveimur heimilum. Í skýrslunni er lagt til að lögfrest verði ákvæði í barnalög sem heimili skipta búsetu barnss á grundvelli staðfests samkomulags foreldra, að uppfylltum ákveðnum skilyrðum.

Velferðarnefnd Alþingis sendir til umsagnar tillögu til þingsályktunar um bráðaaðgerðir til að tryggja öllum húsnæði á viðráðanlegum kjörum, 15. mál.

Allsherjar- og menntamálanefnd Alþingis sendir til umsagnar tillögu til þingsályktunar um styrkingu leikskóla og fæðingarorlofs, 16. mál.

Velferðarnefnd Alþingis sendir til umsagnar frumvarp til laga um sjóði og stofnanir sem starfa samkvæmt staðfestri skipulagsskrá og málefni aldraðra (uppfærsluréttur íbúðarréttar), 35. mál

Lögð fram fundargerð Fulltrúaráðs Eignarhaldsfélags Brunabótafélags Íslands sem haldinn var 23.september 2015. Einnig lagt fram bréf félagsins dags. 6. október 2015, þar sem tilkynnt er ágóðahlutagreiðsla til Sveitarfélagsins Voga fyrir árið 2015, kr. 218.000.

Velferðarnefnd Alþingis sendir til umsagnar frumvarp til laga um almannatryggingar (hækkun lífeyris í 300 þús.kr.) 3. mál

Umhverfis- og samgöngunefnd Alþingis sendir til umsagnar frumvarp til laga um náttúruvernd (varúðarregla, almannaréttur, sérstök vernd, framandi tegundir o.fl), 140. mál

Umhverfis- og samgöngunefnd Alþingis sendir til umsagnar frumvarp til laga um landsáætlun um uppbyggingu innviða til verndar náttúru og menningarsögulegum minjum, 133. mál.

Umhverfis- og samgöngunefnd Alþingis sendir til umsagnar tillögu til þingsályktunar um landsskipulagsstefnu 2015 - 2016, 101. mál

Umhverfis- og samgöngunefnd Alþingis sendir til umsagnar tillögu til þingsályktunar um þjóðgarð á miðhálendingu, 10. mál.

Lagður fram tölvupóstur frá Oktavíu Ragnarsdóttur, f.h. Skógfells, dags. 30.september 2015. Í erindinu er m.a. skorað á sveitarfélagið að gróðursetja trjáplöntur þar sem þess er þörf. Félagið býður farm ráðleggingar um plöntuval og staðsetningu gróðursetningar.

Bæjarráð tekur jákvætt í erindið og felur bæjarstjóra að afla nánari upplýsinga um málið hjá bréfritara.

Lagt fram bréf Íbúðalánasjóðs, dags. 8.október 2015. Í bréfinu er sveitarfélaginu boðið til viðræðna um þann möguleika að kaupa eignir sjóðsins með það í huga að nýta þær t.d. fyrir félagsleg úrræði sveitarfélaga þar sem það á við.

Bæjarstjóra falið að afla nánari upplýsinga um ástand eignanna.

Lögð fram staðgreiðsluáætlun Sambands íslenskra sveitarfélaga, dags. í október 2015, þar sem fram kemur m.a. að álagningarstofn útsvars árið 2016 verði 8,9% hærri en árið 2015.

Á fundinum var farið almennt yfir forsendur við gerð fjárhagsáætlunar 2016 - 2019.

Lagður fram viðauki 2015/3 við fjárhagsáætlun ársins, vegna viðbótarstyrks til Björgunarsveitarinnar Skyggnis.

Bæjarráð samþykkir viðaukann.

Lagður fram viðauki 2015/2 við fjárhagsáætlun ársins, vegna viðbótarstöðugildis við Stóru-Vogaskóla til áramóta.
Bæjarráð samþykkir viðaukann.

Lagður fram kostnaðarútreikningur skipulags- og byggingafulltrúa vegna framkvæmdakostnaðar við Hraunholt, í tengslum við hugsanlega úthlutun lóðar á svæðinu til Ísaga ehf.

Bæjarráð samþykkir að fela bæjarstjóra að óska eftir viðræðum við meðeigendur sveitarfélgsins að landsvæði því sem umræddar lóðir eru á, um kaup sveitarfélagsins á landinu með vísan til fyrirspurnar Ísaga ehf. um lóð á svæðinu.

Lagt fram erindi frá Búmönnum hsf. dags. 24. september 2015, frumvarp að nauðasamningi félagsins.

Bæjarráð samþykkir erindið fyrir sitt leyti.

Lagður fram tölvupóstur dags. 9.október 2015 frá Ingu Rut Hlöðversdóttur, fyrirspurn varðandi uppbyggingu og rekstur tjaldsvæðis í Vogum.

Inga Rut Hlöðversdóttir vék af fundi undir afgreiðslu þessa máls.

Bæjarráð tekur jákvætt í erindið, óskað er eftir frekari upplýsingum um áformin áður en frekari afstaða til málsins er mótuð.

Lagt fram erindi frá Heilbrigðiseftirliti Suðurnesja, dags. 29. september 2015 ásamt sundurliðaðri tillögu að gjaldskrá eftirlitsins fyrir árið 2015. Umsögn heilbrigðisnefndar Suðurnesja, dags. 17. september 2015 liggur fyrir.

Með vísan til 12. og 25. gr. laga nr. 7/1998, um hollustuhætti og mengunarvarnir, 25. gr. laga nr. 93/1995 um matvæli og 8. gr. laga nr. 6/2002 um tóbaksvarnir og að fenginni umsögn Heilbrigðisnefndar Suðurnesja, samþykkir bæjarráð framlagða tillögu að gjaldskrá Heilbrigðiseftirlits Suðurnesja 2015. Gjaldskráin skal auglýst í B-deild Stjórnartíðinda þegar samþykki allra sveitarstjórna á starfssvæði Heilbrigðiseftirlits Suðurnesja liggur fyrir.

Samþykkt samhljóða.

Aflið, samtök gegn kynferðis- og heimilisofbeldi á Norðurlandi, sækir um fjárhagsstyrk til starfseminnar í bréfi, dags. 24. september 2015.

Bæjarráð getur ekki orðið við erindinu.