Bæjarráð Sveitarfélagsins Voga

Lagt fram til kynningar minnisblað Sambands íslenskra sveitarfélaga um fasteignaskatt o.fl. á mannvirki tengd ferðaþjónustu. Bæjarstjóra falið að senda öllum aðilum starfandi á vettvangi ferðaþjónustu innan sveitarfélagsins bréf með ábendingum eftir því sem við á.

Lögð fram umsögn Sambands íslenskra sveitarfélaga um þingsályktunartillögu að landsskipulagsstefnu. Bæjarráð bókar eftirfarandi vegna málsins: "Sveitarfélagið Vogar tekur heilshugar undir umsögn Samband íslenskra sveitarfélaga dags. 7. maí 2015 um þingsályktunartillögu um landskipulagsstefnu 2015- 2026. Sveitarfélagið Vogar leggur fyrir sitt leyti jafnframt áherslu á að skipulagsvald verði ekki tekið frá sveitarfélögum."

Lagður fram tölvupóstur Kajakhóps Stóru-Vogaskóla með beiðni um fjárstyrk til kaupa á kajökum fyrir útikennslu.
Bæjarráð tekur jákvætt í erindið og vísar því til gerðar fjárhagsáætlunar 2016 - 2019.

Með fundarboði var lagt fram minnisblað bæjarstjóra með tillögu bæjarráðs um lausn ágreiningsmála varðandi endurnýjun samstarfssamnings aðila. Einnig liggur fyrir tölvupóstur formanns björgunarsveitarinnar dags. 18.5.2015, með tillögu stjórnar Skyggnis að lausn málsins. Afgreiðslu málsins frestað.

Lagt fram bréf Björns Sæbjörnssonar f.h. D-listans, þar sem lagt er til að ráðist verði í endurskoðun aðalskipulags með það að markmiði að heimila blandaða byggð í Breiðagerðishverfi.
Fulltrúar E-listans leggja fram svohljóðandi bókun: "Að svo stöddu telja fulltrúar E-listans ekki ástæðu til að ráðast í endurskoðun aðalskipulags sveitarfélagsins eins og erindið ber með sér."
Á fundinum leggur málshefjandi til að gerð verði svohljóðandi orðalagsbreyting á erindinu: "Fulltrúar D-listans leggja fram tillögu um að kannaðir verði möguleikar á breytingu aðalskipulags sveitarfélagsins með það að markmiði að leyfð verði blönduð byggð í Breiðagerðishverfi."
Bæjarráð vísar erindinu þannig breyttu til umfjöllunar Umhverfis- og skipulagsnefndar.

Lagt fram yfirlit um fjárhagsaðstoð sveitarfélagsins fyrstu fjóra mánuði ársins 2015. Jafnramt lagt fram yfirlit um fjárhagsaðstoð fyrir árið 2014 í heild.

Sýslumaðurinn á Suðurnesjum sendir til umsagnar umsókn um rekstrarleyfi vegna heimagistingar í Akurgerði 15.
Bæjarráð gerir ekki athugasemdir við umsóknina.

Alþingi sendir til umsagnar frumvarp til laga um skipulags- og mannvirkjamál á Reykjavíkurflugvelli, 361. mál.
Bæjarráð Sveitarfélgasins Voga leggur áherslu á að skipulagsvald verði ekki tekið af sveitarfélögum.

Alþingi sendir til umsagnar frumvarp til laga um þjóðlendur og ákvörðun marka eignarlanda, þjóðlenda og afrétta, 703. mál.

Fundargerð 689. fundar stjórnar Sambands sveitarfélaga á Suðurnesjum lögð fram.
Fundargerð 690. fundar stjórnar Sambands sveitarfélaga á Suðurnesjum lögð fram.

Fundargerð stjórnar Samtaka sveitarfélaga á köldum svæðum frá 16. apríl 2015 lögð fram.

Lögð fram fundargerð 3. fundar Svæðisskipulagsnefndar Suðurnesja.

Lögð fram fundargerð Almannavarnarnefndar frá 13.05.2015.
Afgreiðslu samþykkta nefndarinnar er vísað til bæjarstjórnar.