Umhverfisnefnd Sveitarfélagsins Voga

7. fundur umhverfisnefndar haldinn 5. október 2005 að Iðndal 2.

Mætt voru Þorvaldur Örn Árnason, Margrét Ingimarsdóttir,

Rannveig Eyþórsdóttir, Margrét Helgadóttir og

Helga Ragnarsdóttir sem jafnframt ritar fundargerðir.

1. mál: Staðan í umhverfismálum

Tjörnin og vatnsbúskapur hennar. Huga þarf að bótum á umhverfi tjarnarinnar

og vatnsstöðunni sem hefur lækkað nokkuð að undanförnu sem hugsanlega

stafar af nýbyggingum í nágrenninu.

Lífrænn úrgangur sem fellur frá m.a. svínabúi og hænsnabúi í sveitarfélaginu

var enn til umræðu. Engin heildarlausn hefur enn verið fundin á þessum

málum. Brýnt er að tekið verði inn í skipulagsvinnu sveitarfélagsins

staðsetning fyrir losun á úrgangi sem þessum ásamt garðaúrgangi. Hafa þarf

heilbrigðiseftirlitið til ráðgjafar varðandi m.a. mengun og smit.

Önnur mál:

Rætt var um hættulega húsgrunna í sveitarfélaginu sem gera þarf úrbætur á.

Göngustígur (tröppur) í Heiðargerði hefur enn ekki litið dagsins ljós.

Ýmis önnur mál komu til umræðu sem umhverfisstjóra verður bent á.

Fundi slitið kl. 18:25