Umhverfisnefnd Sveitarfélagsins Voga

Umhverfis- og skipulagssvið lagði inn umsóknir fyrir uppbyggingu og þróun ferðamannastaða hjá Framkvæmdasjóði ferðamanna vegna útsýnispalls við höfnina og betra aðgengi við Staðarborg inn á Vatnsleysuströnd, ekki hefur enn borist svar vegna þeirra.

Nefndin fór yfir áherslur sínar fyrir umhirðuáætlun 2025 og hver helstu verkefni næsta árs verða. Ætlunin er að fá aðila frá Heilbrigðiseftirliti Suðurnesja á næsta fund nefndarinnar og fara þar yfir úrræði og lausnir á hinum ýmsu málum er varða samstarf HES og sveitarfélagsins.

Nefndin fagnar því að grenndarstöðvarnar í sveitarfélaginu séu vel nýttar og var farið yfir staðsetningar á nýjum grendarstöðvagámum í samræmi við ábendingar er komu frá Kölku. Eins var farið yfir nýtt útlit grenndarstöðva.

Farið yfir fjölda minnka og refa síðustu ára sem og aðrar meindýravarnir.