Umhverfisnefnd Sveitarfélagsins Voga

Nefndin þakkar Daníel Einarssyni frá Reykjanes Geopark kærlega fyrir komuna og fróðlega og góða kynningu. Rekstur jarðvangsins var kynntur og farið yfir möguleika og framtíðar uppbyggingu á svæðinu.

Nefndin fór yfir áherslur vegna hreinsunardaga sveitarfélagsins sem og áherslur í umhirðu fyrir sumarið. Eins var rætt um umhverfisvaktina og framhald verkefnisins. Nefndin leggur til að vinnuskólinn taki eina viku um miðjan júní í slátt á lúpínu. Nefndin lýsir ánægju sinni yfir því hversu vel umhirða fer af stað í vor.

Farið var yfir dagskrá og verkefni vinnuskólans fyrir sumarið sem og önnur áhersluverkefni sem til falla vegna Landsmóts 50 sem haldið verður í sveitarfélaginu í byrjun júní.