Umhverfisnefnd Sveitarfélagsins Voga
Dagskrá
Formaður óskaði eftir því að taka mál nr. 6, málsnr. 2203048, Hafnargata 101 - Erindi frá Særúnu Jónsdóttur, inn með afbrigðum og var það samþykkt samhljóða.
1.Betra Ísland - ábendingar um hvað má betur fara í umhverfismálum
2106010
Farið yfir stöðu verkefnisins.
Afgreiðsla umhverfisnefndar: Farið var yfir stöðu verkefnisins. Nefndin leggur til að rætt verði við landeigendur um staðsetningu hundagerðis austanmegin við gatnamót Vatnsleysustrandarvegar (Guðnýjartún).
2.Umferðaröryggisáætlun 2022
2201012
Hafin er vinna við gagnaöflun fyrir umferðaröryggisáætlun sveitarfélagsins.
Lagt fram
Afgreiðsla umhverfisnefndar: Staða og framhald verkefnisins kynnt.
3.Uppbygging og þróun ferðamannastaða í sveitarfélaginu
2209016
Farið fyrir uppbyggingu og þróun ferðamannastaða í sveitarfélaginu. Skilgreina þarf betur verkefnin innan sveitarfélagsins, tilgang og forgangsröðun þeirra. Niðurstaða nefndarinnar verður skilað til Markaðstofu Reykjaness og Reykjanes Geopark.
Afgreiðsla umhverfisnefndar: Nefndi fór yfir málið og lagði til betri skilgreiningu á verkefnum sem sviðsstjóra er falið að senda viðeigandi aðilum.
4.Aðkoma inn í bæinn, hönnun, kostnaðarreikningur og undirbúningur.
2204021
Lögð er fyrir nefndina tillaga Landslags að aðkomu inn í þéttbýlið. Um er að ræða hleðsluvegg á Vogaveginum skammt frá Reykjanesbraut.
Samþykkt
Afgreiðsla umhverfisnefndar: Nefndin tekur vel í erindið og felur sviðstjóra að klára hönnun og kostnaðaráætlun.
5.Göngu- og hjólreiðastígur Vogastapi
2107005
Lagt er fyrir nefndina lega og hönnun göngu- og hjólastígs yfir Vogastapa.
Lagt fram
Afgreiðsla umhverfisnefndar: Nefndin leggur til að tekið verði tillit til gamla þjóðavegarins og varðveislu hans sem samgönguminja. Huga þarf að reiðleiðum í aðalskipulagi á svæðinu og taka tillit til fleiri hagsmunaaðila. Nefndinni líst vel á að farin verði neðri leið að gatnamótum við Grindavík.
6.Hafnargata 101 - Erindi frá Særúnu Jónsdóttur
2203048
Bréf Særúnar Jónsdóttur dags. 26. ágúst 2022 lagt fram.
Frestað
Afgreiðsla umhverfisnefndar: Nefndin frestar erindinu.
7.Ársfundur náttúruverndarnefnda
2206052
Bæjarráð vísar erindinu til Umhverfisnefndar, og óskar eftir að nefndin tilnefni fulltrúa sveitarfélagsins til setu á ársfundinum.
Samþykkt
Afgreiðsla umhverfisnefndar: Nefndin leggur til að fulltrúi sveitarfélagsins verði Guðrún Kristín Ragnarsdóttir.
8.Stefna 2022-2027 um verndun og rannsóknir á fornleifum og byggingararfi
2207021
Bæjarráð óskar eftir fresti til að skila inn umsögn og vísar málinu til umfjöllunar og umsagnar í Umhverfisnefnd.
Afgreiðsla umhverfisnefndar: Nefndin gerir ekki athugasemdir við stefnu 2022-2027 um verndun og rannsóknir á fornleifum og byggingararfi.
Fundi slitið - kl. 19:47.
