Umhverfisnefnd Sveitarfélagsins Voga
Dagskrá
1.Aparóla - staðsetning
2203060
Fyrirliggur að setja upp aparólu í sveitarfélaginu. Finna þarf aparólunni stað og er því óskað eftir tillögum umhverfisnefndar um staðsetningu.
Samþykkt
Afgreiðsla umhverfisnefndar: Nefndin leggur til að aparólan verði norðvestan við íþróttahús. Sviðstjóra umhverfis- og skipulagssviðs mun meta bestu aðstæður á þessu svæði.
2.Betra Ísland - íbúðalýðræðisvefurinn um málefni er varða nýframkvæmdir og viðhaldsverkefni
2106010
Tekið var við hugmyndum íbúa á vefsvæðinu www.betraisland.is í janúar, febrúar og mars. Nú verða hugmyndirnar yfirfarnar og lagt til hverjar komi til framkvæmda á árinu. Hugmyndirnar verða í framhaldi kynntar.
Samþykkt
Afgreiðsla umhverfisnefndar: Nefndin þakkar íbúum fyrir þátttökuna í verkefninu og telur það komið til að vera. Margar skemmtilegar og góðar hugmyndir bárust sem gaman væri að koma í framkvæmd á næstu árum.
Ákveðið hefur verið að velja hugmyndir sem eru auðveldar í framkvæmd og mikill stuðningur er við. Ásamt því að kostnaður sé ekki mjög mikill þannig að nokkrar hugmyndir verði að veruleika.
Eftirfarandi hugmyndir er lagt til að verði að veruleika í ár; Bætt lýsing á göngustígum, bekkir við hoppubelginn, fleiri ruslatunnur, afgirt hundasvæði, útikennslustofa og stígur upp að vörðunni á Grímshól.
Ákveðið hefur verið að velja hugmyndir sem eru auðveldar í framkvæmd og mikill stuðningur er við. Ásamt því að kostnaður sé ekki mjög mikill þannig að nokkrar hugmyndir verði að veruleika.
Eftirfarandi hugmyndir er lagt til að verði að veruleika í ár; Bætt lýsing á göngustígum, bekkir við hoppubelginn, fleiri ruslatunnur, afgirt hundasvæði, útikennslustofa og stígur upp að vörðunni á Grímshól.
3.Vogagerði 23, skipulag lóðar
1905031
Lagt er fyrir nefndina drög að hönnun frá Landslagi ehf. vegna fyrirhugaðra breytinga á lóðinni í skemmtilegt opið svæði og áningarstað.
Samþykkt
Afgreiðsla umhverfisnefndar: Lagt er til að hönnun lóðarinnar verði einfaldara í sniðum og bætt verði við skiltum til að saga Glaðheima fái að njóta sín. Einnig þarf að setja lýsingu á svæðið.
4.Nýsköpun í grænmetisræktun - Surova
2203061
Erindi frá frumkvöðlafyrirtækinu Surova en fyrirtækið er á byrjunarstigi í þróun á sérstökum grænmetisræktunar einingum.
Lausnin er byggð á sjálfvirkri lóðréttri vatnsræktunar einingu sem verður í svipaðri stærð og 40ft flutningagámur. Vatnsræktunarkerfi hefur talsvert betri nýtingu auðlinda en hefðbundin ræktun í gróðurhúsum og með því að hafa einingarnar í smærri skala en tíðkast hefur má staðsetja einingarnar nálægt þeim sem koma til með að nýta grænmetið og þannig sporna gegn losun gróðurhúsalofttegunda vegna flutnings. Sjálfvirknin felur í sér sáningu, uppskeru og pökkun á afurðunum ásamt umhverfisstýringu sem sér til þess að það sé alltaf fullkomið ræktunar umhverfi í einingunni.
Einingarnar gætu staðið fyrir utan skóla og/eða á sérstökum stöðum þar sem íbúar sveitarfélagsins geta gengið beint að einingunni og fengið ferskt íslenskt grænmeti beint í hendurnar.
Lausnin er byggð á sjálfvirkri lóðréttri vatnsræktunar einingu sem verður í svipaðri stærð og 40ft flutningagámur. Vatnsræktunarkerfi hefur talsvert betri nýtingu auðlinda en hefðbundin ræktun í gróðurhúsum og með því að hafa einingarnar í smærri skala en tíðkast hefur má staðsetja einingarnar nálægt þeim sem koma til með að nýta grænmetið og þannig sporna gegn losun gróðurhúsalofttegunda vegna flutnings. Sjálfvirknin felur í sér sáningu, uppskeru og pökkun á afurðunum ásamt umhverfisstýringu sem sér til þess að það sé alltaf fullkomið ræktunar umhverfi í einingunni.
Einingarnar gætu staðið fyrir utan skóla og/eða á sérstökum stöðum þar sem íbúar sveitarfélagsins geta gengið beint að einingunni og fengið ferskt íslenskt grænmeti beint í hendurnar.
Lagt fram
Afgreiðsla umhverfisnefndar: Nefndin tekur vel í erindið og óskar eftir að fá að fylgjast með framgangi verkefnisins.
5.Aðkoma inn í bæinn, hönnun og undirbúningur.
2204021
Til umfjöllunar aðkoma inn í bæinn, hönnun og undirbúningur. Ásamt umhirðu og verkefnum sumarsins.
Samþykkt
Afgreiðsla umhverfisnefndar: Nefndin ræddi almennt um umhirðumál.
Fundi slitið - kl. 19:15.
