Skipulagsnefnd Sveitarfélagsins Voga
Dagskrá
1.Ósk um heimild til óverulegar breytingar á deiliskipulagi - Sjávarborg 1-3-5
2308034
Óskað er eftir því að gera óverulega breytingu á deiliskipulagi fyrir Sjávarborg 1,3 og 5. Sú breyting sem lögð er til er að heimilt verði að byggja 4 íbúðir á lóð í stað 3 íbúða. Aðrir skilmálar verði óbreyttir.
Afgreiðsla skipulagsnefndar: Nefndin vill halda í núverandi fyrirkomulag og hafnar erindinu.
2.Frístundasvæði við Breiðagerðisvík - Deiliskipulagsmál.
2104030
Tekið fyrir að nýju eftir auglýsingu í samræmi við 1. mgr. 41. gr. skipulagslaga nr. 123/2010.
Afgreiðsla skipulagsnefndar: Nefndin fór yfir athugasemdir og umsagnir í samræmi við 3. mgr. 41. gr. skipulagslaga nr. 123/2010. Unnið er úr athugasemdum og umsögnum, málinu frestað.
3.Deiliskipulag Grænubyggðar áfangi 2 (Norðursvæði)
2211023
Tekið fyrir að nýju að lokinni forkynningu skv. 4. mgr. 40. gr. skipulagslaga nr. 123/2010. Farið yfir athugasemdir.
Afgreiðsla skipulagsnefndar: Nefndin frestar málinu til næsta fundar.
4.Kirkjuholt aðalskipulagsbreyting og nýtt deiliskipulag
2206024
Tekið fyrir að nýju eftir auglýsingu í samræmi við 1. mgr. 31. og 41. gr. skipulagslaga nr. 123/2010.
Afgreiðsla skipulagsnefndar: Nefndin fór yfir umsagnir og athugasemdir í samræmi við 3. mgr. 41. gr. og 1. mgr. 32. gr. skipulagslaga nr. 123/2010 og samþykkir tillögur að svörum athugasemda og umsagna. Nefndin telur athugasemdirnar ekki gefa ástæðu til breytingar á deiliskipulagi og aðalskipulagsbreytingu. Nefndin leggur til við bæjarstjórn að samþykkja skipulagstillögur skv. áðurnefndum greinum skipulagslaga nr. 123/2010.
5.Deiliskipulag og uppbygging á reit IB-5
2205002
Tekið fyrir að nýju að lokinni forkynningu skv. 4. mgr. 40. gr. skipulagslaga nr. 123/2010. Farið yfir athugasemdir.
Afgreiðsla skipulagsnefndar: Nefndin þakkar fyrir athugasemdir við forkynningu og telur að athugasemdirnar kalli á óverulega lagfæringu á deiliskipulagstillögu. Nefndin leggur til við bæjarstjórn að umhverfis- og skipulagssviði verði falið að auglýsa tillöguna skv. 41. gr. skipulaga nr 123/2010.
6.Endurskoðun aðalskipulags kjörtímabilið 2018 - 2022
2104026
Haldið áfram með endurskoðun á aðalskipulagi sveitarfélagsins. Tekið upp þar sem frá var horfið, en vinna við endurskoðun aðalskipulagsins hefur legið niðri frá upphafi árs 2022.
Afgreiðsla skipulagsnefnd: Farið yfir stöðu mála, áframhaldandi vinnu við aðalskipulag vísað til næsta fundar nefndarinnar.
7.Göngu- og hjólreiðastígur Vogastapi
2107005
Vegagerðinn hefur tekið frá 100 m.kr. í hjólastígaverkefni frá Vogum að Grindavíkurgatnamótum á árunum 2025 og 2026. 50 m.kr. á ári. Spurt er hvort vilji sé hjá sveitarfélagingu að flýta framkvæmdum og hefja framkvæmdir á næsta ári. Miðað er við að Vegagerði greiði 70% af heildarkostnaði verkefnsins.
Afgreiðsla skipulagsnefndar: Nefndin tekur vel í erindið og leggur til við bæjarráð að verkefnið verði tekið inn í fjárhagsáætlanagerð.
8.Breyting á aðalskipulagi Hafnarfjarðar 2013-2025
2203035
Hafnarfjarðarkaupstaður óskar eftir umsögn vegna breytinga á aðal- og deiliskipulagi. Þann 30. nóvember 2018 var gerð breyting á aðalskipulagi Hafnarfjarðar (ÍB6) þar sem fram kom í texta að núverandi hús við Suðurgötu 44 fengi nýtt hlutverk en yfirbragð að mestu látið halda sér. Í þessari breytingu, sem nú er til kynningar, er ákvæði um yfirbragð og hlutverk Suðurgötu fellt út.
Afgreiðsla skipulagsnefndar: Nefndin gerir engar athugasemdir við erindið.
Fundi slitið - kl. 18:45.
