Skipulagsnefnd Sveitarfélagsins Voga
Dagskrá
1.Hafnargata 101 - kynning Minjastofnunar
2210010
Minjastofnun Íslands hefur óskað eftir því að fá að kynna tillögur sínar vegna mögulegrar uppbyggingar og nýtingar á húsi og lóð Hafnargötu 101.
Afgreiðsla skipulagsnefndar: Nefndin þakkar aðilum Minjastofnunar fyrir góða og áhugaverða kynningu.
2.Hafnargata 101 - uppbygging og þróun.
2104054
Lögð eru fram drög að kynningargögn vegna uppbyggingar og þróunar á lóð Hafnargötu 101. Um þróunarreit er að ræða þar sem miklir möguleikar eru fyrir hendi.
Afgreiðsla skipulagsnefndar: Nefndin leggur til við bæjarstjórn að svæðið verði auglýst sem þróunarreitur. Við val á umsækjendum verður sérstaklega horft til þess að hugmyndir um hönnun, skipulag og framkvæmdir taki mið af einkennum, ásýnd og sögu svæðisins og uppbygging styðji við jákvæða atvinnuþróun í ört stækkandi sveitarfélagi.
3.Deiliskipulagsbreyting miðbæjarsvæði
2208022
Tekið fyrir að nýju. Í breytingunni felst að byggingareitum fjölgar úr tveimur í þrjá. Heimilt verður að byggja á 1-2 hæðum fyrir miðbæjarstarfsemi, verslun og þjónustu. Einnig er heimilit að byggja fjölbýlishús á 3-4 hæðum. Ásamt því eru settir skilmálar um nýtingarhlutfall og fjölda íbúða. Fyrir liggur úthlutun bæjarráðs á lóðinni.
Hafnað
Afgreiðsla skipulagsnefndar: Nefndin hafnar erindinu og vill halda í fyrra skipulag.
4.Deiliskipulag og uppbygging á reit IB-5
2205002
Lögð er fram skipulagslýsing vegna deiliskipulags fyrir nýja íbúðabyggð ofan við Dali, nánar tiltekið svæði ÍB-5 í gildandi aðalskipulagi, skv. 1 mgr. 40. gr. skipulagslaga nr. 123/2010. Ekkert deiliskipulag er til fyrir svæðið og því er um að ræða nýtt deiliskipulag sem samræmist gildandi aðalskipulagi.
Samþykkt
Afgreiðsla skipulagsnefndar: Nefndin leggur til við bæjarstjórn að skipulagslýsingin verði kynnt skv. 3. mgr. 40 gr. skipulagslaga nr. 123/2010
5.Grænaborg - breyting á deiliskipulagi
2005039
Tekið fyrir að nýju, deiliskipulagsbreytingin felst í breytingu á lóðum, húsagerðum, ásamt því að bætt er við lóð fyrir dælu- og hreinsistöð.
Samþykkt
Afgreiðsla skipulagsnefndar: Nefndin leggur til við bæjarstjórn að samþykkja breytingu á deiliskipulagskipulagi skv. 3. mgr. 41. skipulagslaga nr. 123/2010.
6.Umsókn um framkvæmdaleyfi Suðurnesjalína 2
2104113
Bæjarstjórn vísar málinu aftur til Skipulagsnefndar vegna nýrra gagna í málinu. Nefndinni er falið að yfirfara tillögu sína að afgreiðslu með hliðsjón af þeim upplýsingum sem nú liggja fyrir.
Afgreiðsla skipulagnefndar: Nefndin leggur til við bæjarstjórn að fengin verði verkefnastjóri til að afla upplýsinga og leggja mat á ný gögn í málinu.
Fundi slitið - kl. 19:50.
