Skipulagsnefnd Sveitarfélagsins Voga

Málið er tekið fyrir að nýju en fyrir liggur lögfræðiálit frá Ívari Pálssyni lögmanni sveitarfélagsins vegna málsins. Ívar er gestur fundarins undir þessum lið.

Eigendur óska eftir viðræðum við sveitarfélagið um framtíðarskipulag lóðanna og að skilgreining þeirra verði íbúðarsvæði í fyrirhuguðum breytingum á aðalskipulagi sveitarfélagsins sem er í vinnslu.

Grindavíkurbær kynnir hér tillögu að breyttu aðalskipulagi í samræmi við 2.mgr. 30.gr. skipulagslaga nr. 123/2010. Annars vegar er um að ræða breytingu vegna sæstrengs sem kemur á land í Hraunsvík og mun jarðstrengur svo lagður með Suðurstrandarvegi. Hins vegar breytingar aðalskipulags vegna eldgoss við Fagradalsfjall þar sem stefnt er að efla öryggi ferðafólks og gera aðstöðu til ferðaþjónustu, bílastæðum, þjónustubyggingum og breytingu á stígakerfi.

Óskað er eftir umsögn við skipulagslýsingu breytingar á aðalskipulagi Grindavíkurbæjar 2018-2032. Skipulagslýsingin varðar breytingar á Aðalskipulagi Grindavíkur 2018-2032 vegna stækkunar á golfvelli Grindavíkur við Húsatóftir (ÍÞ2). Við landmótun vegna stækkunar golfvallarins verður notað efni sem fellur til við gatnagerð innan þéttbýlis, samtals áætlað um 20.000 m3.

Reykjanesbær kynnir vinnslutillögu Aðalskipulags Reykjanesbæjar 2020-2035 skv. 30 gr. skipulagslaga.

Lagt er fyrir fundinn nýtt deiliskipulag og aðalskipulagstillögu vegna Njarðvíkurhafnar. Áform eru um að auka við athafnasvæði hafnarinnar og Skipasmíðastöðvar Njarðvíkur á suðursvæði Njarðvíkurhafnar. Móta þarf svæðið að auknum umsvifum og tilheyrandi uppbyggingu aðstöðu og landmótunar. Meðal framkvæmda sem koma til með að fylgja í kjölfar skipulagsbreytinga eru bygging þurrkvíar, dýpkun hafnarinnar, brimvarnargarður, landfylling og viðlegukantur. Þá er ráðgert að þróa þjónustuklasa fyrir sjávarútveginn í tengslum við hafnarsvæðið á aðliggjandi athafnasvæði þar sem lögð verður áhersla á þjónustu við skip á norðurslóðum, íslensk sem erlend til viðhalds, breytinga og endurnýjunar.

Óskað er eftir að nefndin fjalli um málaflokka sína er snúna að fjárhagsáætlun 2022.