Skipulagsnefnd Sveitarfélagsins Voga

Tvær umsagnir bárust, frá Skipulagsstofnun og meðeigendum Sveitarfélagsins Voga í heiðarlandi Vogajarða.

Nefndin fjallaði um umsagnirnar og fól skipulagsfulltrúa og lögmanni sveitarfélagsins að gera tillögur að svörum. Frekari umræðu frestað til næsta fundar.

Ein umsögn barst frá eigendum Heiðarlands Vogajarða, öðrum en Sveitarfélaginu Vogum.

Að mati umsagnaraðila mun aukin vatnstaka innan lóðar Stofnfisks rýra möguleika eigenda Heiðarlands Vogajarða til vatnsnýtingar.

Vatnafar á Reykjanesi er með þeim hætti að nærri allt vatn rennur til sjávar sem grunnvatn. Samkvæmt greiningu Verkfræðistofunnar Vatnaskila er grunnvatnsflæði um Vogavík mjög mikið. Að mati nefndarinnar er ólíklegt að aukin vatnstaka við Vogavík hafi áhrif á grunnvatnsstreymi ofar í landinu.

Skipulagsfulltrúa falið að svara umsagnaraðilum.

Skipulagsnefnd leggur til við bæjarstjórn að deiliskipulagstillagan verði staðfest og auglýst í B-deild Stjórnartíðinda.

Skipulagsnefnd felur skipulagsráðgjafa að fullgera tillögu að breyttu deiliskipulagi Miðsvæðis í samræmi við skipulagstillögu dags. 12.05.2020 með það að markmiði að á næsta fundi liggi fyrir tillaga sem er tilbúin til afgreiðslu og auglýsingar.
Skipulagsfulltrúa falið að kynna breytingatillögur nefndarinnar fyrir skipulagsráðgjafa.

Lóðinni hefur þegar verið úthlutað og er fyrirspurnin ekki frá lóðarhafa. Skipulagsnefnd getur því ekki tekið afstöðu til erindisins.

Skipulags- og byggingafulltrúi sendi eiganda Suðurgötu 4, fasteignanúmer F2096531, bréf dags. 17. febrúar sl. þar sem þess var krafist að breytingar á húsnæðinu sem framkvæmdar voru án byggingarleyfis yrðu fjarlægðar. Var honum veitt tækifæri til að koma sjónarmiðum sínum og andmælum á framfæri innan 30 daga. Eigandi hefur ekki svarað bréfinu eða brugðist við áskoruninni með öðrum hætti.

Skipulagsnefnd leggur til við sveitarstjórn að hafið verði ferli til álagningar dagsekta til að knýja á um úrbætur í samræmi við ákvæði greina 2.9.1 og 2.9.2 í byggingareglugerð nr. 112/2012.

Skipulagsnefnd óskar eftir yfirliti fyrir næsta fund á stöðu úrbótaatriða sem lögð eru til í Umferðaröryggisáætlun Sveitarfélagsins Voga dags. 4. janúar 2018.

Skipulagsnefnd telur æskilegt að unnin sé verkefnisáætlun fyrir verkefnið þar sem hlutverk, verklag og umfang verkefna stýrihópsins er skilgreint áður en fulltrúar verði tilnefndir. Mikilvægt er að fyrir liggi hvert er umfang vinnu fulltrúa í stýrihópnum og tímarammi verkefnisins.