Skipulags- og byggingarnefnd Sveitarfélagsins Voga
3. fundur ársins 2005 í skipulags- og byggingarnefnd Vatnsleysustrandarhrepps
haldinn föstudaginn 8. apríl kl.7.30 að Iðndal 2, Vogum.
Þórður Guðmundsson formaður, Jón Ingi Baldvinsson, Gísli Stefánsson, og Kristján
Baldursson byggingarfulltrúi, sem jafnframt ritar fundargerð.
1. mál Aðalskipulag
Frestur til að koma á framfæri athugasemdum við auglýsta tillögu um
breytingu á aðalskipulagi rann út 4. apríl s.l.
Bréf barst frá Margréti Jónsdóttur Fagradal 14. dags. 4. apríl.
Þar rekur hún ýmis mál í 9. liðum. Í fyrsta lið segist hún mótmæla tillögu á
breytingu aðalskipulags sem auglýst var undir fyrirsögninni “Leiðrétt
auglýsing” þann 25. febrúar. s.l. Einnig gerir hún athugasemdir við
deiliskipulagsbreytinguna. Samkvæmt bréfinu virðast athugasemdir
Margrétar falla meira undir deiliskipulagsbreytinguna.
Samkvæmt 2. lið segist Margrét ekki hafa séð nein gögn um deiliskipulagið
aðeins fengið upplýsingar frá byggingafulltrúa.
Deiliskipulagið hefur verið til sýnis eins og lög gera ráð fyrir og því ekki
hægt að taka tillit til þeirrar athugasemda.
Samkv. 3. lið vitnar Margrét í samþykktir frá árinu 1999
Á fundi Bygginga-og skipulagsnefndar þann 27. apríl 2000 var gerð
eftirfarandi bókun varðandi 6. mál lóðarmál við Fagradal 14. “Varðandi
stækkun lóðar er bygginganefnd hlynnt því að lóðin verði stækkuð um 5 m.
Til austurs og hefur þeirri breytingu verið komið að við breytingu á
aðalskipulagi sveitarfélagsins sem unnið er að.”
Lóðarmálið fékk ekki endanlega afgreiðslu fyrr en í núverandi aðal-og
deiliskipulagsvinnu og var niðurstaðan sú að 143,3 m 2 var bætt við lóðina
samkvæmt lóðarblaði sem nú liggur fyrir. Heildarstærð lóðarstærð eftir
stækkun er því 955,3 m 2 með þessu er komið til móts við óskir eigenda
Fagradals 14 um stækkun lóðar og færðist þarafleiðandi göngustígur fjær
húsinu. Byggingarfulltrúa er falið að sjá um að gerður verði nýr
lóðarleigusamningur við eiganda að Fagradal 14.
Samkv. 4. lið mótmælir Margrét því að göngustígur sé svo nálægt húseign
hennar.
Samkvæmt eldra staðfestu aðalskipulagi er lega göngustígar við norðaustur
horn lóðarinnar. Því er ekki verið að breyta legu göngustígarins við
lóðarmörk Fagradals 14.
Samkv. 5. lið gerir Margrét athugasemdir við hávaðamengun og mengun frá
iðnaðarsvæði.
Þessar athugasemdir eru óviðkomandi aðal-og deiliskipulagsbreytingunni.
Samkv. 6. lið gerir Margrét athugasemdir við staðsetningu leiksvæðis.
Samkvæmt gildandi aðalskipulagi var þessi reitur frátekinn fyrir leiksvæði.
Liður 7 Lóðarmörk Iðndals 2 eru skýr og engin breyting gerð á þeim í
þessari skipulagsvinnu.
Aðrir liðir bréfsins falla ekki undir núverandi breytingu á aðal og
deiliskipulagi.
Aðrar skriflegar athugasemdir bárust ekki við auglýsta tillögu að breytingu á
Aðalskipulagi.
Skipulags og Byggingarnefnd samþykkir aðalskipulagsbreytinguna.
2. mál Deiliskipulag
Frestur til að gera athugasemdir við Deiliskipulag Miðdals Heiðardals og
Lyngdls og Leirdals. Rann út 6. apríl s.l.
Ekki barst önnur skrifleg athugasemd en bréfið frá Margréti Jónsdóttur
samanber bókun undir 1.mál.
Gert hefur verið samkomulag við eigendur Leirdals 18 um stækkun lóðar til
austurs um 3 m. auk tilfærslu á byggingarreit við Leirdal 20 þannig að 5 m
verði frá lóðarmörkum við nr. 18 að byggingarreit á nr. 20. Tilsvarandi
hliðrun verður á byggingarreitum nr. 22 og 24. Byggingarfulltrúa falið að
gera nýjan lóðarleigusamning við eigendur að Leirdal 18.
Skipulags og Byggingarnefnd samþykkir deiliskipulagstillöguna.
3.mál Stöðuleyfi fyrir hjólhýsi að Stóra Knarrarnesi. Og færsla
innkeyrslu af Vatnsleysustrandarvegi.
Elías Kristjánsson sækir um stöðuleyfi fyrir hjólhýsi 11 m langt og 3 m breitt
á gamla kirkjugrunninum í landi Stóra Knarrarness Austurbæjar. Og
breytingu á gamla veginum að kirkjugrunninum þannig að hann lendi í landi
Austurbæjar.
Stöðuleyfi og færsla vegar samþykkt.
4. mál Skógræktarfélagið Skógfell, sækir um stöðuleyfi fyrir vinnuskúr
á ræktunarsvæði félagsins á Vatnsleysuströnd. Samkvæmt mynd af
staðsetningu og hnitum.
Stöðuleyfi samþykkt
Fleira ekki rætt fundi slitið kl 9.30
