Sorphirða

Endurvinnslustöð Kölku við Jónsvör
Gámasvæðið er við höfnina.

Opnunartími
Mánudagar - Lokað
Þriðjudagar kl. 17:00-19:00
Miðvikudagar - Lokað
Fimmtudagar - kl. 17:00-19:00
Föstudagar kl. 17:00-19:00
Sunnudagar kl. 12:00-16:00

Sveitarfélögin á Suðurnesjum reka sameiginlega sorpeyðingarstöð.

Sorp frá heimilum er hirt samkvæmt sorphirðudagatali. Mögulegt er að fá aukatunnur, en þá greiðist auka sorphirðugjald.
Æskilegast er að staðsetja sorpílát í innbyggðum sorpgeymslum, en að öðrum kosti er nauðsynlegt að festa þau tryggilega, þó þannig að auðvelt sé fyrir sorphirðumenn að nálgast þau. Helst skal koma sorpílátum fyrir götumegin við hús og þannig, að leiðin að þeim sé greið og auðvelt sé að aka þeim að götu. Á vetrum ber húseigendum að hreinsa snjó frá sorpgeymslum og þeirri leið sem flytja þarf sorpílát um innan lóðar.

Í nýju flokkunarkerfi er flokkað í fjóra flokka á hverju heimili, flokkarnir eru þessir:

Matarleifum / lífrænum eldhúsúrgangi safnað í körfu með bréfpoka

Samhliða dreifingu á nýjum tunnum verður körfum og bréfpokum fyrir matarleifar dreift á öll heimili. Mikilvægt er að notast við bréfpoka fyrir matarleifarnar þar sem það eru þeir pokar sem jarðgerast best svo hægt verði að nýta moltuna sem vinnst úr sérsöfnuninni.

Karfan er svo sérstaklega hönnuð til þess að tryggja loftflæði að pokanum sem vinnur gegn því að pokinn fari að leka og rifna.
Nálgast má körfur og pappírspoka á gámasvæði Kölku við höfnina á opnunartímum.

Merkingin gildir

Í lögunum sem verið er að innleiða er kveðið á um að allir notist við sömu merkingar fyrir úrgang og því verða allar tunnur merktar með merkingunum sem sjá má hér að ofan. Liturinn á tunnunni skiptir því ekki máli eftir innleiðinguna heldur verður það eingöngu merkingin sem stýrir því hvað fer í hvaða tunnu.

Það sem má og má ekki fara í sorptunnuna

Í sorptunnur má eingöngu setja heimilissorp.
Úrgang skal flokka og endurnýta eins og kostur er.
Óheimilt er að setja garðaúrgang, múrbrot, jarðefni eða grjót í sorptunnur. Garðaúrgang skal jarðgera eða skila á endurvinnslustöð Kölku eða á aðra móttökustaði fyrir óvirkan úrgang sem hafa til þess starfsleyfi.
Óheimilt er að setja spilliefni, lyf eða annan hættulegan úrgang í sorptunnur. Úrganginum skal skila á endurvinnslustöð Kölku eða til aðila sem hefur starfsleyfi til móttöku á spilliefnum.
Óheimilt er að setja timbur, brotamálm og annan grófan úrgang í sorptunnur. Úrganginum skal skilað á endurvinnslustöð Kölku eða til brotamálmsfyrirtækja.