Frístunda- og menningarnefnd Sveitarfélagsins Voga

Petra Ruth Rúnarsdóttir formaður ungmennafélagsins Þróttar og Marteinn Ægisson framkvæmdastjóri félagsins komu á fundinn og kynntu vetrarstarf félagsins.
Starfið í vetur verður bæði með hefðbundnu sniði en þó bryddað upp á ýmsum nýjungum, t.d. íþróttaskóla barna, unglingahreysti og brussubolta.

Matthías Freyr Matthíasson íþrótta- og tómstundafulltrúi kynnti málið.
Skrifað var undir samning um heilsueflandi við landlækni 14. ágúst. Skipa þarf starfshóp um verkefnið og frístunda- og menningarnefnd óskar eftir því við bæjarráð að það hlutist til um það sem fyrst í samstarfi við íþrótta- og tómstundafulltrúa.

Daníel Arason menningarfulltrúi kynnti félagsstarf eldri borgara fram að áramótum. Hægt er að sjá fréttabréf félagsins á vef sveitarfélagsins.

Matthías Freyr Matthíasson íþrótta- og tómstundafulltrúi kynnir starfsemina.
Starfsemin hófst 2. september. Haldið var ungmennaþing þar sem fram komu margar góðar hugmyndir sem munu nýtast í vetur. Góð þátttaka er meðal ungmenna í starfinu og mikil gróska í því. Dagskrá hvers mánaðar má sjá á Facebook síðu félagsmiðstöðvarinnar.

Matthías Freyr Matthíasson íþrótta- og tómstundafulltrúi kynnti sumarstarf vinnuskólans. Verkefni skólans voru hefðbundin. 32 ungmenni voru skráð í vinnuskólann sem er fjölgun um 2 frá því í fyrra.

Matthías Freyr Matthíasson íþrótta- og tómstundafulltrúi kynnti heilsu- og forvarnarviku á Suðurnesjum.
Meðal þess sem sveitarfélagið leggur af mörkum er til dæmis það að það verður frítt í sund, kynfræðingur kemur og ræðir við unglinga, ungmennafélagið Þróttur býður ókeypis á ýmsar æfingar.

Matthías Freyr Matthíasson íþrótta- og tómstundafulltrúi og Daníel Arason menningarfulltrúi kynntu stöðuna í fjárhagsáætlunargerð fyrir árið 2020 og helstu áherslur í þeirri vinnu.

Frístunda- og menningarnefnd leggur til að menningarfulltrúi kanni áhuga félagasamtaka í sveitarfélaginu að taka þátt í degi félagasamtaka þar sem félögin myndu kynna starfsemi sína.